વેષ વિના સાર...!

સમતામાં ન વરતાતો ઉચાટ

બહારી કવચે દેખાય અલગાવ

પરિસ્થિતિનો ન ખળભળાટ

પણ ભીતર હજીયે અશાંત...

ફક્ત અભિવ્યક્તિમાંથી બાકાત

ન પ્રતિભાવ ન પ્રત્યાઘાત કે ભાવ

એટલે જરુરી નહીં સર્વ ભાગીદાર

અંતરે હજીયે અવ્યક્ત ઉકળાટ...

બૂમાબૂમ ને વણબોલાયેલા ઉદ્-ગાર

મનસપટલ પર અથડાતાં વાર્તાલાપ

ફક્ત નથી નીકળ્યાં બની ઉચ્ચાર

એ કહેવાય સમતાનો વેષ વિના સાર...

ખરી સમતા આવે શ્રદ્ધાથી અગાઢ

મનમતિ ચેતાતંત્રને કરે વશ ને શાંત

જરાક ડગાવતી બહારી અસરને તમામ

ઓગાળી, કરે ધરપત ને ભીતર રાખે બેબાક...

શ્રદ્ધાને વિકસાવો અંતરે ને બાહ્ય બનશે વિના કચવાટ...

પ્રભો...

એપ્રિલ ૨૦૨૦

Flower Name: Carlina acaulis

Carline thistle

Significance: Incorruptible Faithfulness

Nothing can turn you from the duty you have chosen.