નવો તાસ ...!

જમીની હકીકતને જડી રહી ભરવાની રહે ઉડાન

આ પૂર્ણયોગની રીતિ સરળ સહજ આસાન

ક્યાંક મનવાદળ રચી ગાયબ થવાની ન વાત

કે ન કઠપૂતળી સમ ભાવવિભોરતામાં કરીને નાચ

કે તીક્ષ્ણ રુક્ષ ને ફક્ત બુદ્ધિનો ન ઠાલો પ્રચાર

કે અસ્ખલિત વાચાનો છીછરો રચ્યોપચ્યો દેખાડ

ન શારિરીક શૌષ્ઠવ થકી પ્રદર્શિત મોહક તાકત

કે નથી વ્યાસપીઠ રચી સંમ્મોહિત કરવો સમાજ 

વ્યક્તિએ ખુદમાં ધરવાનો રહે દિવ્યનો નિવાસ

ને એ ઇન્દ્રિયોને ઘડતરનો શરુ થતો નવો તાસ

સંપૂર્ણ સભાનતા સમાનતા સમત્વને સન્માન

કોષોમાં શોષી જીવવો રહે દર ઘડીનો કાળ

ને પ્રભો સતત શ્વસે મનુષ્ય થઈ મનુષ્ય સંગાથ...

એપ્રિલ ૨૦૨૦

Flower Name: Campanula medium

Canterbury bells, Cup and saucer

Significance: Joy’s call

It is modest and rarely makes itself heard.