ચેતનાનો આ એક પ્રકાર ...

 

કશાયમાં નહીં ને છતાંયે બધાંમાં! એમ થાય છે

ચેતનાનો આ એક પ્રકાર ચેતનાથી જ જીવાય છે

કશુંય અડ્યા અટકાયા વગર પસાર થાય છે

સફરનાં વટેમાર્ગુ સમ વહેણ શું! વહાય છે

જ્યાં જરુર ત્યાં જરુર જેટલી ભીનાશ છોડાય છે

બદલામાં કશુંય નહીં, ગણિતવિહીન વધાય છે

વધ એનો ક્રમ! બધું જ ચીટક્યા વગર જાય છે

ગમતું અણગમતું સહસા સહજતામાં સમાય છે

એક પછી એક સ્તરો સંમ્મિલીત શોષાય છે

મન મતિ દેહ પ્રાણ-નું બંધારણ સંસ્કરણ રચાય છે

ઉત્તમ ઉદ્દાત સર્વોત્તમ પ્રતિ અહીં વૃદ્ધિ લહાણ છે

ચેતના જ પોતાને પોષતી, આવરતી ભણી સર્વાંગ છે

એક હદ ઓળંગ્યા પછી માનવ તો ફક્ત સહાય છે

આધાર કહેવાતો! દિવ્યચેતના જ ખરી અમલદાર છે...

પ્રભો...

એપ્રિલ ૨૦૨૦

Flower Name: Hibiscus rosa-sinensis

Chinese hibiscus, Hawaiian hibiscus, Rose- of-China

Significance: Power of Consciousness

All the powers of controlling and governing the lower movements of inconscient nature.