અડીખમ ને ટટાર છું ...

હું જ મારું દ્રષ્ટાંત છું 

જો! અહીં જ, આમ છું 

અડીખમ ને ટટાર છું 

હું જ મારું ધ્યાન છું

એકાગ્રતાનો જવાબ છું

લયસ્તરોનું પ્રમાણ છું

હું જ મારું યોગદાન છું 

ભવાટવીને પડકાર છું 

નીતનવીન ઉદ્દઘાટ છું

હું જ મારું પ્રાવધાન છું 

મૂળસ્ત્રોતનો શ્વાસ છું 

ઉરે ઉગતો ઊજાસ છું

હું જ મારું સુકાન છું 

દિવ્ય દરિયે તૈરાક છું 

સમર્પણે વહેતી નાવ છું

હું જ મારું નિશાન છું 

રૂપાંતર-તીરનું કમાન છું 

નિર્માણ પ્રભુનું ને પ્રભુનો મદાર છું... 

એટલે જ,

અહીં જ, જો આમ! છું 

અડીખમ ને ટટાર છું...

ધન્ય ધન્ય મા-પ્રભુ...

'મોરલી'

ઓગસ્ટ, ૨૦૧૮

Flower Name: Lawsonia inermis
Mignonette tree, Henna

Significance: Energy Turned towards the Divine
The power of realisation offers itself in service to the Divine.