એ મૌન મહોરેદાર!

ખૂબ સંભળાય એ સંવાદો, 

જે મૌનમાં ઊચ્ચારાય

બૂમો, ચીસો, ઘોંઘાટ આક્રમક 

ને ક્યાં સૌમ્ય, સૂરતાલ!

જોખમી છે એ વલણ, ઝોક 

જો વપરાય વારંવાર 

કૃત્રિમ કેળવણી ને સદંતર નકલી 

એ મૌન મહોરેદાર!

ચેતજો, જાગજો! જો આ રીત 

રીતસરની ન અપનાવાય

વિષસમ પ્રસરી રહેશે, 

ડંખમય ભીતર ને આડંબર બહાર!

વહેતું કરવું, નહેર શોધી, 

ન લેવું ન આપવું આશયકાજ

ખુલ્લા રહી, નિખાલસ વહેવું, 

ન શોરબકોર ન વેરભાવ.

અંતર - સમર્પિત પ્રમાણિક 

નીરવ, શુભભાવમય ધારદાર

ઊગી ઊઠશે સહસા ત્વરિત, 

ઊંડે શ્વસતો ધ્વનિ વાક...

ને આરંભાય નવી શરૂઆત...

જય હો...પ્રભુ!

'મોરલી'

સપ્ટેમ્બર, ૨૦૧૮

Flower Name: Mirabilis jalapa
Marvel of Peru, Four-o'clock, False jalap, Beauty of the night

Significance:
Solace in the Mind
A silent peace.