દશેરાને પ્રતિક માન...

તું જ તીર ને તું જ તારી કમાન

ધર નિશાન ભીતરમાં ક્યાંક

હે મનુષ્ય! દશેરાના દિનને પ્રતિક માન...

ઇતિહાસ,પૂરાણ...મૂકે ઈશારો ને પાઠ

શુદ્ધિ જ સમૃદ્ધિ ને સ્થિતિ વિકાસ

હે મનુષ્ય! તું સમજીને ચાલ...

સમયે સમયે આવે પ્રશ્ન પ્રગાઢ

આંતરબાહ્ય પ્રગતિ કાજ! 

હે મનુષ્ય! જીવંત જીવન જ ઉત્તમ ઉત્તર પ્રમાણ..

દેવદેવીઓને કરવો પડ્યો હતો સંહાર

દાનવો, અસૂરોને કરવા મ્હાત!

હે મનુષ્ય! ધૈર્ય ને સત્યનો માર્ગ જ જન્મ પ્રવાસ ...

ભક્તને પણ આવ્યો હતો અહંકાર

જીવવો પડ્યો રાવણકાળ!

હે મનુષ્ય! અસમર્પિત ભક્તિ નથી કરતી આરપાર...

માંગવો પડ્યો હતો શક્તિનો સાથ 

મહિષાસૂર વધ અનિવાર્ય!

હે મનુષ્ય! દર સર્જન ભાગે સામર્થ્ય અવિભાજ્ય...

જીવી લે તું ખુલીને બિંદાસ!

શીખની વૃત્તિ ને નમનીય અલ્હાદ...

હે મનુષ્ય! સમર્પણમાં ધરી ચાલ પરમનો હાથ...

વંદન એ સર્વે, 

દિવ્યરુપોને...

મનુષ્યજન્મને...

તવ ચરણે...મા!

'મોરલી'

ઓક્ટોબર, ૨૦૧૮

ગતવર્ષે પ્રકાશિત અવતરણમાંથી...

... આજ વિજય દોષ નાદ ...

રાવણદહન સાથે આજ વિજય દોષ નાદ
દશમ નવરાત્રિની આજ અજેય રાજ્યરામ.

પુરાણો દહોરાવે, કે પુરાણું છે અસુર રાજ
ને દર દાનવને નાથવા અવતરે છે રામ!

વર્તમાન પુરાવે મહીં સૂર ને પૂરતા પ્રમાણ
ફરક ફક્ત એટલો દર જીવે, સંગે રાવણ-રામ!

વિજયદશમીની વેળાએ જાગો દઈ પુકાર!
દર ભીતરે રચાય એકતા, હો રહીમન કે રામ!

સંહારો વિચાર, વાત, વ્યવહાર વિરોધાભાસ
વિરમે રાવણતત્ત્વ ને પૃથ્વી માણે વિરામ!

રાવણ તો રૂપક છે
દશમ દસ મસ્તક ધારી મતિભેદને નાથવાનો પર્વ છે.

વહેંચાતી વિખરાયેલી મતિ ક્ષમતાને સંગઠિત કરી એકાગ્ર કરવાની છે.

એકબિંદ થઈ સહસ્ત્ર ખુલે અને સત્યને આવિર્ભાવ કરે.

દ્વિપક્ષી વિપરીત મનોઅવસ્થાઓ પર વિજય દર મસ્તિષ્કધારી જીવનનો ઉદ્દેશ છે.

નિર્મિત સફર છે.

વિજય પણ નિર્ધારિત છે.

જીત અફર છે.

કારણ મૂળસ્થિતિ દિવ્યમય છે. મસ્તિષ્ક સંધાનથી ચૈત્ય ચૈતન્ય અને ત્યાંથી દિવ્યસત્ય સંધાન...

દિપ પ્રાગટ્ય ખરું અહીંથી...

પ્રકાશ...પ્રકાશ...પ્રકાશ...

* સપ્ટેમ્બર, ૨૦૧૭

મા...

તવ આગમને ઊજળી નવરાત્રી,
અખંડજ્યોત ગ્રસે રાવણી મનમતિ...

નવવર્ષ એંધાણ દેતી, નવપ્રકાશી,
અંધાર્યા, અણધાર્યા ચીરશે નવદ્રષ્ટિ...

નવજોમ દેતી,  ઊતરશે નવઊર્જિત,
પડળો પાંખા વિંધશે આરપાર લક્ષ્યી...

નવસ્વપ્ન દેતી, ઊઠશે નવજાગૃતિ,
હામ, ધ્યાન ધરી,  મૂકશે પૃથ્વી ભરી...

નવજ્ઞાન દેતી,  ઊડશે નવ-ભાનપંખી,
સુદ્રઢ ચિત્તપાંખે , ભરશે ઉડાન ગગની...

નવપલ્લવિત નવરૂપી ઊજ્જવળભાવિ,
'મોરલી' વિશિષ્ટ શક્તિ મૂકે મા દશહરી...

વર્ષે વર્ષે તહેવારોનું આગમન કંઈક સૂચવી જાય છે. સંસ્કાર, આનંદ અને ઊજવણી સાથે સૂચક સંદેશ લઈ આવે છે. મોટાભાગનાં ઉત્સવો, આત્મમંથનનું કારણ બની શકે.
નવરાત્રિને અંતે વિજયાદશમી, અસૂર પર વિજય સંદેશ યાદ કરાવી જાય છે.

દરેકની અંદર નાનામોટા,  છૂટાછવાયા, વિખરાયેલા રાવણ-અંશો સુધી પહોંચવાનું સંભારણું લઈને આવે છે.

એ સમયે,  હવે વિદાય લઈ લીધી છે જ્યારે પ્રશ્નોનાં હલ બહાર હતાં,  સંજોગોમાં અને અન્યોમાં શોધતા હતાં અને સામાજિક, વ્યયક્તિક સ્વીકૃતી પામતાં.

આજનાં સંદર્ભમાં દરેક વ્યક્તિ(મન)સ્વરૂપ છે.  ફક્ત એની સભાનતા ઓછી વધતી છે.
અથવા હું એવું કહું કે, એ સભાનતામાં જાગ્રત થવું એ પણ જે તે વ્યક્તિ-પસંદ બની રહી છે,  જરૂર મનુષ્ય પહોંચ સુધી જ એ શક્ય છે છતાં એ સમજનો અમલ, આજની હકીકત છે.

દરેકની અંદર મા દુર્ગા અને રાવણનાં અંશો જીવંત છે.  મન-પ્રધાન વ્યક્તિ, ઈચ્છાઓને આધારે એમને આગળ-પાછળ ધકેલ્યા કરે છે.
એમાં સ્થાયી સભાનતા નથી અને એનાં યોગ્ય પ્રભાવ બાબતે દરકાર પણ નથી.
એટલે જ આજનો માણસ અટવાયેલો છે,  આ કે તે પસંદમાં જ મોટાભાગની ઊર્જા ખર્ચી નાખે છે.

જન્મનો, જીવનનો,  ઉદ્દેશ જીવતરનાં સમીકરણોમાં જ ભૂંસી નાખે છે.
મંદિરોમાં ભોગ-દાન ચડાવવામાં અંતરઆત્મા ખાલી કરી નાખે છે અને આવતા વર્ષ માટે રાવણને જીવતો રાખતો રહે છે...

નવ રાત્રિ પણ, જો આત્મમંથનમાં જાત સાથે રમીએને તો પણ રોજ પ્રભુપ્રસાદીને પાત્ર બની શકીએ...!

શરૂઆત કરવાની છે પછી તો આંતરિક સૌંદર્ય જ અસ્તિત્વમાં બહાર-અંદર,  ચારેબાજુ ઘૂમી વળશે...

એ જ વહેશે ને વ્યક્ત થશે ને બની રહેશે...

મા જગદંબા... મા ભગવતી... વંદન...

*ઓક્ટોબર, ૨૦૧૬

This is purity, to accept no other influence but only the influence of the Divine.

One is truly perfectly pure only when the whole being, in all its elements and all its movements, adheres fully and exclusively to the Divine Will. That is total purity. It does not depend on any moral or social law, any mental convention of any kind. It depends exclusively on this: when all the elements and all the movements of the being adhere exclusively and totally to the Divine Will.

What I call purity, the true purity, is not all those things that morality teaches: it is non-ego. There must be nothing but Him. Him not only because we have given Him everything and consecrated ourselves totally to Him (that is not enough), but Him because He has taken total possession of the human instrument. TM

Flower Name: Hibiscus rosa-sinensis
Chinese hibiscus, Hawaiian hibiscus, Rose- of-China

Significance: Power of Integral Purity
The power of accepting only the Divine influence.