ધરે અરીસો ને બતાવે બેનકાબ...

અજ્ઞાનતાનું એવું જ હોય છે સાવ

સજાવી સમારીને સમજાવ્યા કરે વારંવાર

‘બધું બરાબર બરાબર’નાં મંત્ર જાપ

ને ઢાંક્યા કરે જ્યાં જ્યાં જરૂરી ફેરફાર

પછી ક્યારેક આવે વંટોળ ને ઝંઝાવાત

અસહ્ય ને ન સમજાય ક્યાંથી અચાનક આમ!

જેમતેમ સંભાળી નીકળી તો જરૂર જાય

પણ લસરકો ને ‘હતું’નું ટકી રહે નિશાન

ભુંસાય પછી કારણ સમય સંગ સમાધાન

પણ છતું થઈ સમજાય મળ્યે જીવનની મોકળાશ

અજ્ઞાનતાનાં વિવિધ રૂપો ને પ્રકાર

વ્યક્તિ વિશેષ સામુદાયિક સામાન્ય માન્ય

ભીતરની સભાનતા ધરે અરીસો ને બતાવે બેનકાબ

ખુદને દેખાતી ખુદની ત્રુટિ ને શક્તિ સાક્ષાત

જગવ આંતરે સમ્રાટ...

પ્રભો...

જૂન ૨૦૨૦

Flower Name: Caesalpinia coriaria

Divi-divi

Significance: Intuitive Knowledge

Innumerable and vast for exploration, it is pure and fragrant.