હે માણસ, તું મથી લે...

હે માણસ, તું મથી લે

કેસરિયા કરી લડી લે

આજ નહીં તો કાલે

સમર્પણ જ ઊધ્ધાર છે.

જ્ઞાન, વિજ્ઞાનમાં શોધી લે

ગુણાય એટલું ઘૂંટી લે

આ નહીં તો આવતે ભવે

સમર્પણ જ ઊધ્ધાર છે.

સમજ, સર્જન પોષી લે

વિશેષ, નવુંનવું રોપી લે

માનવજાતની વૃધ્ધિ કાજે

સમર્પણ જ ઊધ્ધાર છે.

મનને વિચારથી ચૂંથી લે

વિકટ વૃત્તિથી ગૂંચવી લે

દરેક કળ, ભય, ભ્રમ માટે

સમર્પણ જ ઊધ્ધાર છે.

ઈન્દ્રીયાતીત વિશ્વ માર્ગે 'મોરલી'

માણસ હજી પછાત છે.

પૌષ્ટિક સંવૃધ્ધિની ખાતરીને

સમર્પણ જ ઊધ્ધાર છે.

- મોરલી પંડ્યા

જૂન, ૨૦૧૬

Flower Name: Rosa ‘Paul Neyron’
Significance: Perfect Surrender
The indispensable condition for identification