આ જન્મે તું ...

સંસાર કેરો સાર બદલ

ભાગ્ય કેરો ભાગ બદલ

આ જન્મે તું ચકરાવ બદલ...

સંતૃપ્તિ ઓડકાર બદલ

અભાવ કેરો રાગ બદલ

આ જન્મે તું સત્કાર બદલ...

પ્રેમ કેરો વ્યવહાર બદલ

તિરસ્કાર ભાવાર્થ બદલ

આ જન્મે તું ધબકાર બદલ...

ખૂણે છૂપો દુર્ભાવ બદલ

દેખીતો ઠાલો ઉપહાર બદલ

આ જન્મે શિષ્ટાચાર બદલ...

ભવાટવી હિસાબ બદલ

ભાવિ કેરો ભરથાર બદલ

આ જન્મે તું દસ્તકાર બદલ...

જન્મ કેરો આવિર્ભાવ બદલ

મનસ્વી અપૂર્ણ માર્ગ બદલ

આ જન્મે આતમવિસાર બદલ...

અર્પણ, તવ ચરણે...

પ્રણામ શ્રી મા - પ્રભુ...

'મોરલી'

જુલાઇ, ૨૦૧૮

Flower Name: Helianthus
Sunflower

Significance: Consciousness Turned towards the Light
It thirsts for Light and cannot live without it.