તું મંગળ જીવન માણ...

ચાલ, બની તું સાવિત્રી 

યમરાજને હંફાવ,

અર્પણ-સમર્પણના માર્ગી

તું દિવ્યસૃષ્ટિ ઉઘાડ...

ચાલ, પકડી તું પ્રેમપગથી

નવીન ચીલો પાડ,

પ્રજનન-મનોરંજનથી વધી

તું દિવ્યપ્રેમ ઊગાડ...

ચાલ, વ્યક્તિત્વને તું ઝંઝોળી

યોગ્ય ખૂણે સજાવ,

અત્ર તત્ર સર્વત્ર મૂળ જગવી

તું અસ્તિત્વે દિવ્યત્વ સ્થપાવ...

ચાલ, જીવીને તું સાક્ષાત્કારી

સેતુ ઘડી બતાવ,

ત્યાગ- ભોગને સમાવી વટાવી

તું દિવ્યસમન્વય શીખવાડ...

ચાલ, મા-પ્રભુનો હાથ ધરી

શ્રદ્ધા-વિશ્વાસે ચાલ,

ખોળે ચરણે જણ-જીવ-જીવની

તું મંગળ જીવન માણ...

ધન્ય ધન્ય પ્રભો....

આભાર...

'મોરલી' 

જૂલાઈ, ૨૦૧૮

Flower Name: Zinnia elegans
Common zinnia, Youth-and-old-age

Significance: Victorious Endurance
It will endure till the end of the battle.