બસ! ખરું પૂરું તમામ.

ન ઉણપ ન સુધાર ન ભભરાવવો પડે દેખાવ

સર્વે સંચિત સમજ, સમીકરણ, સમાધાન, 

ઓગળ્યા. ન કોઈ હવે પૃષ્ઠભૂ પ્રમાણ.

જ્યાં મન મતિ મારે અનાયાસે લટાર

દર ઇન્દ્રિય સંચારનાં ત્યાંથી ઊલેચે જોડાણ.

સમાપ્ત. ન કોઈ સંજ્ઞા હવે રહી પર્યાપ્ત.

ચેષ્ટા ધરે આંતરબાહ્ય અચાનક પ્રતિભાવ 

દર અવરજવરનો ખોળે બંધબેસતો ક્યાસ,

સદાય શાંત. ન કોઈ જરૂર હવે સંમત આધાર.

સાચાં સત્યોની નવીન સમજો લગતું જ્ઞાન

ઉર્ધ્વ સ્તરોથી ઊતરે એવાં અમલો એકધાર. 

સંધાન. ન કોઈ અધકચરું, બસ! ખરું પૂરું તમામ.

પ્રભુ...કૃપાળુ અપાર...

આભાર...

નવેમ્બર, ૨૦૧૮

Flower Name: Verbena X Hybrida
Common garden verbena, Florists' verbena

Significance: Thoroughness
Indispensable for all true progress.