તિમિરનું તો કામ જ ...

ભેદી નાખ એ ભમતા અંધકાર!

બસ! એકવાર ભરી ચોખ્ખો પ્રકાશ...

ઢીલા પડશે ભલભલાં ડીબાંગ

બસ! એક લિસોટો ને નવ શરુઆત...

ભલે ને ભરચક આ પારથી પેલે પાર

બસ! એક પ્રવેશ મળે, ભલેને જરાક...

તિમિરનું તો કામ જ અંધારપટ જમાવ

બસ! એકવાર અળગા થઈ લક્ષ સાધ...

એવા કંઈક કેટલાય! એ તો આવે ને જાય

બસ! આપણે આપણી ભૂમિકામાં વિનાબેધ્યાન...

પ્રારંભ જ અગત્યનો...પછી પ્રભુ રખેવાળ...

સપ્ટેમ્બર ૨૦૧૯

Flower Name: Thunbergia erecta

King's mantle, Bush clock vine

Significance: Opening to the Light

Harmonises with all that can lead towards the Light. 

નીકળી પડ સ્વ-ભેટ કાજ ...

ગમે એટલો ટોચે તળિયે કે તળેટીએ રહેવાસ

નહીં જાણી શકે મનુષ્ય! તું બ્રહ્મનો અસીમિત ફેલાવ

તારો ક્યાસ તારી મર્યાદા સાથે બંધબેસતો જવાબ

હોઈ શકે કોઈ સમજ જેનો બૌદ્ધિક તારણ પર મદાર

વિજ્ઞાન ઇતિહાસ ખગોળ પણ ભજવે અહમ ભાગ

 સતત આવી મળતાં પુરાવાઓ ગણી શકાય જવાબદાર

શોધ ખોળ સમજ સમાધાન થયો જ્ઞાનનો વિસ્તાર

આ તો થઈ એક અનુક્ષેત્રની, અલબત મહત્વની, વાત

બુદ્ધિ જ્ઞાન સમજ શાણ પરે પણ પરબ્રહ્મનું સામ્રાજ્ય 

અનુભવો અનુભૂતિઓ પહોંચાડતું ખીચોખીચ ‘આકાશ’

ખોલ પલાંઠી ને નીકળી પડ સ્વ-ભેટ કાજ બેશુમાર

બાહ્ય સંતુષ્ટિને પચાવી પલટાવી, ચાલતો રહે જોજનો અંતરિયાળ...

પ્રભુ માર્ગદર્શક ને પહેરેદાર... વંદુ...

સપ્ટેમ્બર ૨૦૧૯

Flower Name: Gossypium

Cotton

Significance: Material Abundance

Nature always shows us what true abundance is-one is overwhelmed!

એક સશકત ચેષ્ટા પ્રકાર!

સ્મિતને બનાવી હથિયાર 

મુંગા મુંગા વેરતો રહે

ભલભલા ઉગામેલા વાર 

હારીને ઝૂકી પડશે

તાક્યો તમંચો કે તલવાર 

પ્રહાર કરવાં જેવા મોરચે

વગર આપ્યે ધાર્યા પરિણામ 

બુઠ્ઠાં જ શમાવી દેશે

અપેક્ષિત હો પ્રતિકાર 

તો સામે મજબૂત પ્રતિસ્પર્ધી બનશે

ઝાઝાં પ્રયત્નો પણ બિનઅસરદાર 

વિપક્ષને ગજબ મૂંઝવી શકશે

શત્રુ ચડાઈએ તૈયાર

ને આવકારશે આમ સસ્મિત ચહેરે

વૈમનસ્ય વિરોધ જેવી સર્વ આગ, 

બુઝવીને મૃદુ પુષ્પસમ ખીલવશે

સ્મિત! એક સશકત ચેષ્ટા પ્રકાર 

સહજમાં અંતરથી કેવું સ્ફૂરે

નિર્મળ મોહક પકવ ધારદાર, 

તો રહે બેફિકર! અવસ્પર્શ્ય રહેશે...

સ્મિતનો શિષ્ટાચાર...બેબાક!

આભાર...

સપ્ટેમ્બર ૨૦૧૯

Flower Name: Prunus dulcis

Almond, Almond tree

Significance: Smile of Nature

Nature rejoices in her beauty.

અત્ર અત્રમાં ભરી તાકાત...

‘અત્યાર’ને સ્વીકાર એટલે આનંદને આવકાર,

પ્રગતિને આહવાન ને દિવ્યતત્ત્વને ધન્યવાદ,

સહજતાને સન્માન ને અનાદરને સદંતર નકાર,

‘સ્વયંભૂ’ને અવકાશ ને શક્યતાઓ પારાવાર,

ખુલતાં આયામોને માર્ગ ને ખુલ્લાં ખાલી આધાર,

રૂઢિગત પ્રતિક્રિયાનો પ્રતિકાર ને ‘ને પૂર્ણવિરામ,

ડહાપણથી લગામ ને વ્યાવહારિક ટેવને જાકાર,

ભાવિ ફક્ત ઉગતાં પ્રભાત ને ચીલાચાલુ અધ્યાહાર,

અત્ર અત્રમાં ભરી અકલ્પનીય બુનિયાદી તાકાત.

બીજ, જે અંકુરમાંથી ઘટાટોપ પાંગરવાને તૈયાર.

શરુઆત હો કોઈપણથી! બસ, પક્કડ હોવી પાક,

પછી ઘડાય એક એક પળ જેનું ગંતવ્ય પરમદ્વાર.

પ્રભુ પ્રણામ...

સપ્ટેમ્બર ૨૦૧૯

Flower Name: Virgin's bower, Leather flower, Vasevine

Significance: Sentry

Ever awake.

ઘણી બાકી બારીકીઓ હજી...

રાહ તાકી રહેવી એ શ્રદ્ધાનો વિરોધાભાસ

એ તો થયું ઇચ્છવું અમુક તરફનું પરિણામ.

એમાંય જો અધીરાઈભર્યો બેબાકળો તલસાટ

અંદર બહાર ઉપદ્રવ ને બેધ્યાન બણબણાટ,

અન્યો પર આરોપોની હારમાળ, ફરિયાદ, 

મસ્તિષ્કમાં ભરચક હુંસાતુસી ને વાદવિવાદ,

વિનાકારણ ત્રસ્ત પ્રતિક્રિયાઓની ભરમાર,

દર મુદ્દે બિનજરુરી અસંતોષભરી તીખાશ,

તો માનો ભીતર છે હજી શ્રદ્ધા પ્રતિ પડકાર

ઘણી બાકી અંદર બારીકીઓ અર્પણને કાજ.

ધરપતમાં પહોંચવું રહ્યું થઈ ખાલીખમ સાફ

આ પ્રકારનાં આંતરિક કોલાહલથી પૂર્ણપણે શાંત

ને વિશ્વાસ કે સમય આવ્યે, પાકશે સમયસાથ

ને જરુર દેશે બોલતું, ફળતું જે જે હશે ઉધાર.

પ્રભુદ્રષ્ટિ રહે નિહાળ...દિવ્ય સંકલ્પ જ ઉદ્ધાર...

સપ્ટેમ્બર ૨૦૧૯

Flower Name: Zinnia elegans

Common zinnia, Youth-and-old-age

Significance: Endurance

Going to the end of the effort without fatigue or relaxing.

હરીફ તારો ખુદને રાખ...

સમસ્તે સત્ય જે જીવી રહ્યું કોણ એ રોકી શકે

ગમા-અણગમા પાર જો! સનાતન ન વિરમી શકે

લાખ વાના રાખ! બંધારણ મર્યાદા ન તોડી શકે

પંપાળ પહોંચ વાર હજાર, સમગ્રે ન પહોંચી શકે

હથિયાર તારું અસ્વીકાર, ત્યાંથી દિવાલ કરી શકે

સીમિત આવી સમજથી શાશ્વત થોડું અટકી શકે

નામંજૂર સેંકડો હો કર્મકાજ, મર્મસત્ય ન ભૂસી શકે

કરો નિંદા, ટીકા પારાવાર, ભ્રહ્માંડગતિ ન વાળી શકે

દરેક અસ્તિત્વ લક્ષબાધ, એ લયથી ન છટકી શકે

સહેજ ક્યાંક છોડ-બાંધ, સઘળું એમ ન બદલી શકે

માન એટલી ટૂંક આજ, જ્ઞાન પણ માપમાં જ ખૂલી શકે 

હરીફ તારો ખુદને રાખ, સર્વસ્વને ન કોઈ હંફાવી હરાવી શકે.

પ્રભુ પરમને...

સપ્ટેમ્બર ૨૦૧૯

Flower Name: Hibiscus micranthus

Hibiscus

Significance: Eternal smile

A gift that only the Divine can give.

The name attached is YOURS...

Blame is on you and the fame is yours

Whatever comes, the name attached is yours

Lord! You have taken up the load

The life Divine and it’s precious course

This human here is nothing but yours

Forever, unattached unbounded from rest all

You are the guiding light and the torch

You show the way, the nooks and corners

The savior is you and the reservoir  

Through you only this human form is instrumental

Thus, Lord in your charge and for better

The universe is to get back it’s original!

Thank you...

September 2019

Flower Name: Cyclamen purpurascens

Persian violet, Alpine violet, Sowbread

Significance: Scented Marvel

One of the innumerable gifts of Nature.

ચારો ખાને ચીત!

શ્રદ્ધાનો એક અંદરથી ટંકાર

ને શંકાકુશંકાઓ ચારો ખાને ચીત

એક અફર ઠોસ મક્કમ અવાજ

ને ભ્રમણાનાં ચકરાવા ખારીજ

શ્રદ્ધાનો એક અછડતો અંદાજ

ને યાદમાં ધસે પુરાવાઓની ભીડ

એ જ ભરે જોશ પારાવાર

ને જીવાય અશક્ય સ્થિતી, સાહજિક

શ્રદ્ધાનો એક મજબૂત આધાર

ને ઘડે અજાયબીઓ અગણિત

બસ! મજબૂત પક્કડ સાથે ચિત્ત શાંત

ને શ્રદ્ધા બને શક્તિ ને માધ્યમ સંતુલિત.

પ્રભુ... પ્રભુ...

સપ્ટેમ્બર ૨૦૧૯

Flower Name: Hibiscus rosa-sinensis

Chinese hibiscus, Hawaiian hibiscus, Rose- of-China 

Significance: Faith

You flame up and triumph.

Products, Byproducts of the same ...

Everything is from YOU everywhere 

Be it Substance Space Synergy State

Nothing specific or a particular case

Left uncovered, emerged from elsewhere 

The Existence and it’s conditions related

Simply the Creation of the Omnipresence 

Elements or Elementals or Constructs

Products Byproducts of the same Oneness

Looks and Feels and Exists may differ 

The Source is the ‘One’ - only and alone

How Marvelous! In myriads This Operation!

A humble Bow to The Presence that is there in All ...

Thank you!

September 2019 

Flower Name: Rhoeo spathacea

Oyster plant, Boat lily, Cradle lily, Moses in his cradle

Significance: Divine Presence

It hides from the ignorant eye its ever-present magnificence!

અનુરાગ જુવે કુદાવ!

આત્મરાગથી આત્મા રાગ

અનુરાગ જુવે કેવો કુદાવ!

સ્વરતિથી સ્વયંભૂ પ્રવાહ

દેહમોહથી સાર્વભૌમત્વ સાઠ

એ જ પ્રેમ ને વત્સલ વહાલ 

પરિઘ વિસ્તર્યો ભ્રહ્માંડ પાર

રતિ પણ અનુભવે ઉચ્ચ પડાવ

સમસ્ત પ્રતિ આધ્યાત્મિક લગાવ

પરિવર્તન થકી અનોખો પોશાક

ઓઢાવે આત્મા હર સર્જન કાજ

ગ્રહે એ જ ને પ્રસરાવે અપાર

કરુણારાગ હવે જીવે અનુરાગ.

પ્રભો પ્રણામ...

સપ્ટેમ્બર ૨૦૧૯

Flower Name: Cosmos bipinnatus

Significance: Tranquility of the Sex Centre when it is under the Influence of the Supramental Light

The Supramental influence liberates man from all that binds him to the animal.

સાચવવી પડે તો શાંતિ શાની?

શાંતિને સાચવવા બાંધવી પડે તો શાંતિ શાની?

નિયમો આધીન જાળવવી પડે તો હજી અધૂરી

મનની રીતથી જતાવવી પડે તો હજી કાચી

લાગણીની રુક્ષતામાંથી જન્માવવી પડે તો નકામી

પ્રયત્નને આધારે ટકાવવી પડે તો બાહરી 

એકલતામાં તપાવવી પડે તો હજી શરુઆતી

ક્રોધિત પ્રત્યાઘાતો પછી જાગૃત થતી બેબુનિયાદી

અલગાવવાદમાં નભતી હોય તો અધકચરી

સ્વરાગમાં રચીપચી રહેતી હોય તો અહં ઓઢી

પરનિર્ભર હોય તો એ હજી અશાંતિ જ પૂરેપૂરી

સાચી સાચી શાંતિ સ્વયંભૂ, ચૈત્યશક્તિ ઉત્પત્તિ

પરીસ્થિતી ગમે તે હોય સ્થાયી સદૈવ સ્થિર સ્થિતિ. 

પ્રભુ ચરણે...

સપ્ટેમ્બર ૨૦૧૯

Flower Name: Holarrhena pubescens

Easter tree, Conessi, Kurchi, Jasmine tree

Significance: Psychic Peace

It is spontaneous and does not make a fuss.

આત્માનાં વેદવિલાસમાં...

વિશાળતા જે આભમાં અંતરમાં મૂકી જરાકમાં!

ખુલવું રહ્યું એ ભવવારમાં, આ જ ફેરે, સંધાનમાં.

મળશે ક્યારે ફરી ટહેલવાં આમ જન્મની લટારમાં

ન માનવજાતનાં હાથમાં, તે અહોભાગ્ય ‘અત્યાર’માં.

તિતિક્ષાની તીવ્રતામાં ને નિષ્ઠાની અપાર અપૂર્ણતામાં

સ્તરો ઓળંગી ચૈતન્યપ્રવાસમાં ને ચૈત્યનાં પડાવમાં.

સતરંગી મેઘધનુષમાં થઈ શાશ્વતીનાં અનંત પ્રસારમાં

પ્રત્યેક અનન્ય સર્જનમાં ને સનાતનનાં પ્રખર સતમાં.

જીવી લેવું અંદરથી બહારમાં, સંદર્ભ સાર ને શાણમાં

સદા ચાતક સમ તૃષાગ્રહણમાં, મળ્યું જે ‘નાં આભારમાં.

ન જાણે શું પેલે પારમાં? તો માણવું બસ! આ વારમાં

ગગન ને ધરાની વચાળમાં, આત્માનાં વેદવિલાસમાં.

જય હો પ્રભુ...

સપ્ટેમ્બર ૨૦૧૯

Flower Name: Dendranthema Xgrandiflorum Chrysanthemum Xmorifolium

Florists' chrysanthemum

Significance: Purified Dynamic Life Energy

Superb, indomitable, all-powerful in its purity.

જિંદગી દે જ સાથ ...

કંઈ કેટલુંય છે દર જિંદગીને ભાગે

દર શક્ય વૃદ્ધિ શુદ્ધિ સમૃદ્ધિ કાજે

અનેકો વિષય વિભાગ વ્યવહાર વાતે

એ દરેકમાં શક્યતાઓનાં ભંડાર જાણે

પહેલુઓ પાસાઓ પરિપેક્ષો ને પ્રકારે

કંઈક સંભાવનાઓમાં બધું કેટલું પ્રવર્તે 

શું ન કરી શકે જિંદગી આવી શક્યતાએ

કોઈ એક મુદ્દામાં ને એ પણ અસંખ્યો વાને...

બસ! માણસ ન હારવું રહ્યું આ કે તે બહાને

જિંદગી દે જ સાથ. એ તો જાણે કેટલું છે આપવાને.

જય હો!

સપ્ટેમ્બર ૨૦૧૯

Flower Name: Quassia amara

Bitterwood, Surinam quassia

Significance: Splendour and Opulence in the Material Life

Can become widespread only through transformation.