આ તે કેવી...!

આ તે કેવી પક્ષપાતી ગોઠવણી

આવશ્યક સ્પર્શ દુ:ખની ચોટી

તત્ પશ્યાત જ સુખની અનુભૂતી!

આ તે કેવી કુદરતની હેરાફેરી

અશ્રુધારા એ ભાવની અભિવ્યક્તિ

વેર, જલન, પીડન, કરુણા કે ખુશી!

આ તે કેવી જન્મદત્ત વારાફરતી

નિર્દોષતા, પકટતા, વયોવૃદ્ધિ

શૈશવસ્થ: આરંભે વૃત્તિ ને અંતે સ્મૃતિ!

આ તે કેવી પાર્થિવ ગતિવિધિ 

સઘળી નોંધાતી અન્યોની ખોટી

સ્વઅંતરે જીવે એ જ પ્રતિસ્પર્ધી!

આ તે કેવી ભવોભવ બાંધણી 

મનુષ્યમાં ધરબાઈ વસે અદિતિ

યજમાન થઈ ખોજ માંડે લખચોરાશી!

અંતે તારી જ યુક્તિ, પ્રયુક્તિ કે મુક્તિ

ભળી ભોગ, ભાગ, ભુક્તિ કે ભક્તિ, 

પ્રભુ! તારી જ થતી, તને સમર્પિત... 

જય હો પ્રભુ...

સાદર...

- મોરલી પંડ્યા 

માર્ચ,  ૨૦૧૮

Flower Name: Chrysanthemum

Significance: Specialised Detailed Energy
Nothing is too small to merit its attention.