આ જળબિંદુને...

આ જળબિંદુને નીરખી રહું ક્યાંથી કેવું બદલાય,

ગોળાકારથી સપાટ ને અંતે બાષ્પીભવન વરાળ!

અંદર સમાયેલ દર કણ, સમૂહમાં માંડે પ્રવાસ

સહુ જાણે અદ્રશ્ય થવાનું, હળવે હળવે ને એકસાથ

ધરે કેવાં અગણિત રંગ રૂપ સ્વાદ પ્રકાર પ્રભાવ

છતાંય અવિચળ પારદર્શક મૂળ ને પ્રવાહી સ્વભાવ

ઘૂંટ ગળે ઉતરે તો હાશકારો ને તરસ છીપાય

ને ગળાડૂબથી વધુ તો જીવને માટે અભિશાપ

પ્રકૃતિનાં દર રૂપ પ્રકાર સંતુલનનાં સક્રિય રખેવાળ

જાગૃત બહુરૂપી બહુમુખી રક્ષક ભક્ષક હથિયાર

પંચમહાભૂતનું અદકેરું તત્ત્વ જીવજીવનને પ્રસાદ

અહો જળપ્રભુ! વંદુ વંદુ તમો પ્રેરણા ને સહજતા પ્રમાણ...

પ્રભો...

મે ૨૦૨૦

Flower Name: Porana volubilis

Bridal creeper, Horse-tail creeper, Snow creeper

Significance: Water

Fluid, abundant and pure.