એ જ ખરો અહોભાવ…

મા! 
તારી પસંદને યોગ્ય બની એ જ અહોભાવ...

ને પછી એ અરસપરસ બની છે એ જ ખરો અહોભાવ…

આ જીવતાં જીવતાં એ સમજાયું એ જ અહોભાવ...   

આ સમજમાં તારો હાથ ને સાથ છે એ જ ખરો અહોભાવ...

આ તારા સાથમાં આ જીવનો ઉધ્ધાર છે એ જ અહોભાવ...

આ મન-હ્રદય-જીવનમાં શ્રસતો તારો પ્રકાશ છે એ જ ખરો અહોભાવ...

આ તારી ચેતનાના ફુવારા અંદર ઊંડેથી સ્ફૂરે છે એ જ અહોભાવ...

આ પદ્ય માધ્યમથી ચારે દિશામાં પ્રસરી રહ્યાં છે એ જ ખરો અહોભાવ...

આ અસ્તિત્વમાં જીવંત તું જ શિક્ષક-સખા છે એ જ અહોભાવ...

આ અંતઃકરણ આમ પળપળ આભારવશ છે એ જ ખરો અહોભાવ...

આ સ્મરણ, સમર્પણ, વંદન સતત પ્રભાવી છે એ જ અહોભાવ...

આ પ્રેમ-શાંતિ-આનંદ મંત્ર જીવાઈ રહ્યાં છે ‘મોરલી’ એ જ ખરો અહોભાવ...

પ્રણામ પ્રભુ!

-         મોરલી પંડ્યા

એપ્રિલ ૧, ૨૦૧૪