પંખી બનીને...

પંખી બનીને ઊડશો તો

આકાશ અસીમ મળવાનું,

ત્યાં હવામાં કુદરતની સુગંધ ને

વાતાવરણ મોકળું મળવાનું...

વધાવશો એ અંતર ઊડાન ક્ષમતાને તો

આભની આરપાર થશે નીકળવાનું,

ત્યાં પણ અનેરું ચેતના-વિશ્વ વસે

બસ! પાંસરું એને ઊતારવાનું...

ઊડવાની ધગશ હશે તો

પ્રભુ-પંખ મળશે ને ભીતર ગગન ખુલવાનું,

પછી જીવતું આ જણ પ્રભુવ્યસની ને

‘મોરલી’ અંબરજગતને ધરતી પર લાવવું શક્ય બનવાનું...

આભાર પ્રભુ!

-         મોરલી પંડ્યા

એપ્રિલ ૩, ૨૦૧૪