અહીં તો ...

કોણ કહે છે કે એને ગરજ જીવવાની છે,

અહીં તો શ્વાસ ચાલે છે એટલે સ્વ-ધર્મ ને ફરજ જીવવાની છે..

કોણ કહે છે કે એને સ્વાર્થ છે જે કરાવે છે

અહીં તો મથામણ જ, સ્વ નો અર્થ શોધવાની છે …

કોણ કહે છે એ તો બધું સ્વ-ધાર્યું જ ગોઠવે છે

અહીં તો ડગલું મંડાય છે ને એમાં સ્વ ગોઠવાય છે…

કોણ કહે છે એ તો હવે ધરાઈને બેઠાં છે,

અહીં તો પચાવ્યાં પછીનો ધરપત-પ્રસાદ મમળાવાય છે…

કોણ કહે છે એમને તો બસ જીવન માણવું છે,

અહીં તો ભર-સ્વરૂપ, પ્રભુ-નિદર્શનમાં સતત ‘મોરલી’ ઉત્સવ ઊજવાય છે...

આભાર…

-         મોરલી પંડ્યા

એપ્રિલ ૨૧, ૨૦૧૪