ૐ...ઘૂંટાતો મંત્રોચ્ચાર...

ૐ

એ અંતઃમાં ઊગતો, ઘૂંટાતો મંત્રોચ્ચાર,

એ બ્રહ્મનાદમાં સમસ્ત સાકાર,

એ સૃષ્ટિ સર્જકનો ઊપહાર...

એમાં વિશ્વરૂપ નિરાકાર,

એમાં શિવશંભુ સાક્ષાત,

એમાં અચળ-અવિચળ દિવ્ય શાંતિ અપાર...

એ અદિવ્યને ટંકાર,

એ દિવ્યનો સાક્ષાતકાર,

એ અહંનો સંહાર, મનુષ્યનો તારણહાર...

એ કરે બુદ્ધિ-જ્ઞાન ધારદાર,

એ કરે હ્રદય ઊર્મિશીલ આરપાર,

એ કરે શરીર સશક્ત ને બળવાન...

એ સર્વે મંત્રોમાં અગ્રસર આગેવાન,

ક્ષણ-કણ સક્ષમ, જ્યાં સંનિષ્ઠ એ ઊચ્ચાર,

ત્યાં પલભરમાં સંધાય ‘મોરલી’ પરમ સંગ અનુસંધાન…

-         મોરલી પંડ્યા

મે ૭, ૨૦૧૪