તને ક્યાં કોઈ દુકાળ ...

જિંદગી! 

તને ક્યાં કોઈ દુકાળ છે કદી?

જન્મે જન્મે અવિરત તું જીવે અહીં.

તને ક્યાં મૃત્યુનો થડકાર કદી?

રૂપે રૂપે જન્મજાત તું જીવે અહીં.

તને ક્યાં નષ્ટ-નાશ નડે કદી?

ધબકારે ધબકારે જીવંત તું જીવે અહીં. 

તને ક્યાં શોધવી હવા કે રુંધે કદી?

શ્વાસે શ્વાસે પ્રાણ ખેંચી તું જીવે અહીં.

તને ક્યાં જીવન વચાળે ખરવું કદી?

પળે પળે નવીન અર્થે તું જીવે અહીં.

તને ક્યાં ખેરવી કોઈ કંઈ પામે કદી?

રંગે તરંગે રગે ઉર્જા થઈ તું જીવે અહીં.

તને ક્યાં અલગ કરવો વસવાટ કદી?

અનંતની નિરંતરતામાં તું નિરાંતે અહીં...

પ્રભુ અન્યોન્ય જિંદગી...

જય હો !

જૂલાઈ ૨૦૧૯

Flower Name: Dendranthema Xgrandiflorum [Chrysanthemum Xmorifolium]

Florists' chrysanthemum

Significance: Supramentalised Life Energy

Manifold and supple, it has an immortal resistance.