... છુપાયો વિકાસ ...

જવાબદારીમાંથી ભાગવું પારાવાર અન્યાય

અધ્યાત્મ ને સંસાર બંને માટે અપરાધ

એવો કોઈ ન હોવો પથ, પંથ કે સંપ્રદાય

જે શીખવે, ગૂંથે ભાગતો ભગાડતો ત્યાગ

અહીં જ સંસારમાં રહી ગૂંથવો અધ્યાત્મ

જે તે સંજોગ સંસાધનો, સાથે જ ઉર્ધ્વ જોડાણ

પૂર્ણ સભાનતા સમાનતા ને કર્તવ્યો સાથ

એકોએક પુરી રીતે જે પણ કંઈ અનિવાર્ય

લીધી જવાબદારી તો અધવચે ન છોડાય

આવી છે એટલે જ કે એમાં છુપાયો વિકાસ

એ જ બને પગલું અધ્યાત્મનું અસરદાર

એમાં ન થવી બાંધછોડ કે લેતીદેતી ક્યાંય

નિષ્ઠાથી ઊપાડ્યું તો પૂરું કરવું નિષ્ઠાને કાજ

નિષ્ઠા જ દેશે દર વળાંકે જે તે જરુરી સંગાથ

મધદરિયે છોડો તો પ્રભુકૃપાકરુણાનું અપમાન

વહી રહેવું બસ! નૌકા બની, રાખી નૌકા તૈયાર...

પ્રભુ માર્ગદર્શક બળવાન...

એ પગલે ચાલતો રહે અડગ ચાલ...

ડિસેમ્બર ૨૦૧૯

Flower Name: Begonia

Significance: Perfect Integral Balance

One is ready for transformation.