સરળતાથી સરળ થવું

સરળતાથી સરળ થવું નથી આસાન

જ્યાં કંઈપણ "અઘરું", મનાય "મૂલ્યવાન"

અટપટું હઠાગ્રહી જેટલું, એટલું ગણાય

ધ્યાન ખેંચતું, મેળવે હંમેશ અગ્રસ્થાન

"સરળ તેથી સહેલું" ની ના બોલબાલ

ખસેડાય ખૂણે ક્યાંક! ન નોંધ ન ભાવ!

પેચીદાને મળતું રહે આકર્ષણ વણમાગ

ડરાવતું ઉછેરે વાતાવરણ આસપાસ

બધાયને બચવું હોય એ "અઘરાં"થી ક્યાંક

"વિરોધ વગર નિપટાવ, તાબે થઈ પતાવ"

સલાહ ફરતી રહે જ્યાં જ્યાં એ વ્યવહાર

ને પોરસાય જે તે વ્યક્તિત્વ યજમાન

સરળ પ્રકૃતિધારી વિચારે ચાર વાર

અંકુશ, આગ્રહથી અગ્રે રાખે દરકાર

અહં પોષતી માંગણી ન પોષે માંગ

"હું" કરતાં અધિક હોય સહાનુભૂતિ, તાદાત્મ્ય

જે જે સરળ, મળ્યું એને મોંઘેરું વરદાન

વહેંચવું અપાર! ને જો "અઘરું" વિવશ થઈ કેવું પલટાય...

પ્રભો...

ડિસેમ્બર ૨૦૧૯

Flower Name: Vittadinia triloba
Creeping daisy
Significance: Integral Simplicity
The simplicity that comes from perfect sincerity.