પ્રેમ ભર્યું રાખવું…

અંદર-બહાર, અદ્રશ્ય-તાદ્રશ્ય પ્રેમ ભર્યું રાખવું…

પ્રવેશતું-નીકળતું, તરંગ મોજું નિર્મળ, શુદ્ધ રાખવું…

વાતાવરણ પ્રેમ-હેતનું, સદાય ઊભરાતું રાખવું…

લેતું-મૂકતું, દરેક આવતું-જતું, તાજું થતું રાખવું…

પ્રેમ વિરુદ્ધ બધું જ પડળમાં ઓગળતું રાખવું…

સહેજ વિપરીત સ્પર્શ્યું તો પ્રેમ પામતું રાખવું…

કણ કણમાં સબળું, ખમતું, આ જ સંવેદન રાખવું…

સૌથી સક્ષમ પ્રભુવહેણ, ‘મોરલી’ હંમેશાં વહેતું રાખવું…

-         મોરલી પંડ્યા

ફેબ્રુઆરી ૧, ૨૦૧૫