આત્મા સિવાયનું...

આત્મા સિવાયનું સઘળું,
આ જન્મમાં થયેલું એકઠું!
એ સર્વ કંઈ છે અવરોધતું,
આત્મસ્થજીવન લક્ષ્યતણું.

મનપ્રાણદેહમાં વહેંચાયેલું,

અસંખ્ય રૂપો ઘડતરો ભર્યું,

અભીપ્સા વહેણમાં રમતું,

મૂકી નીકળવાનું છે પાંસરુ!

પ્રભુબળમાં છૂટી ઓગળતું,

એ ડીબાંગ ઘટ્ટ ઘન ચોસલું,

હતું બાહ્યજાતનું ફક્તકોચલું,

જે અળગું થતું, આત્મા છેટું!

સમગ્ર અસ્તિત્વ હવે પછીનું

રહેતું ચૈત્ય, સતચેતના ઘડ્યું.

સાચ્ચું સમર્પણ સતત ઘટતું

શુધ્ધ સ્વરૂપ ઊગી નિપજતું!

એ જાણે જ્ઞાનકર્મભક્તિભુક્તિનું

સમન્વ્ય કરી ઊર્ધ્વમાં અર્પવું

જે જીવ-જણ-જીવનને 'મોરલી' 

પ્રભુચરણે કર્મે કૃપામાં ઊદ્ધારતું.

- મોરલી પંડ્યા

જુલાઈ ૧૪, ૨૦૧૫