બધાં જ ચોકઠાં...

બધાં જ ચોકઠાં સિમીત છે.

એ પરિભાષિત હસ્તી છે

એ અસ્તિત્વ કુંઠિત છે.

એ માનવોપાર્જીત પરિઘ છે.

એ ભૂમિતિમાં જડેલ વૃદ્ધિ છે.

એ ભીંસમાં ઘસાતી બુદ્ધિ છે.

એ ખોખામાં અંકુરિત સૃષ્ટિ છે.

એ માપમાં મપાતી વિધી છે.

એ વેત વગરની જડમતિ છે.

એ પંખહીન, ઓળખ પંખી છે.

એ જમીને લાંગરેલ નાવડી છે.

એ તસુ ન ખસતી ગતિ છે.

એ નરી ભરી વ્યવસ્થારીતિ છે.

એ ગૂંગળાતી સર્જનશક્તિ છે.

એ વેડફાતી ચેતનાશક્તિ છે.

એ ફેલાવ માંગતી 'મોરલી' વિનંતી છે.

- મોરલી પંડ્યા

જુલાઈ, ૨૦૧૬

Flower Name: Rhodedendron (Ericaceae Azalea)
Significance: Abundance of Beauty
A beauty that blossoms freely and abundantly.