વ્યક્તિ શું જાણે...

વ્યક્તિ શું જાણે પ્રભુ, એ આખેઆખી શું છે?

અત્યારે જીવાતી સાચીસાચી આ કોણ છે?

અંદર બહાર ઊપર નીચે સતત વધતી, શું છે?

અવિરત ઊંડાણ-વિસ્તારમાં પાકતી આ કોણ છે?

જીવતર, સંબંધ, શિક્ષણ સિવાયની શું છે?

મંતવ્ય વગરની છબીમાં સત્ય ભરેલી આ કોણ છે?

પળે પળે તદન નવીન, જૂની ભૂંસાતી શું છે?

બાહ્યસ્વરૂપ ભેદી, ઊગતી નવી આ કોણ છે?

અનાવરિત આત્માસ્થ પ્રભુ સાથ-સાધન શું છે?

નિતનિત પ્રભુકરણ, આનંદમય સમર્પિત આ કોણ છે?

છતાં જાણે જરૂર ‘મોરલી’; સમૃધ્ધ વૃદ્ધિમય મળવું એ શું છે…

આજન્મા અલભ્ય પ્રભુસાથીની ઓળખ ને વચન એ શું છે…

- મોરલી પંડ્યા

ઓક્ટોબર ૨૧, ૨૦૧૪