ટંકાય હિસાબમાં...

ક્ષણે ક્ષણ ટંકાય હિસાબમાં

થયું-ન થયું બધું જગ-સ્મૃતિમાં

લખાતું એ સતત રોજમેળમાં

જમા-ઉધાર બધું પડે નામુમાં

વ્યક્તિ છો; અવગણે, વિસ્મૃતિમાં

દરેક પદ નોંધાય ક્રિયાપદમાં

પરિણામ તોલાય પ્રવાસમાં

ફેરબદલ લાવે રોજનીશીમાં

તંતુ જીવતો જે માંહ્યલાંમાં

અનુરૂપ; ખૂંચે કે ખીલે અંદરમાં

સંકેત સ્પષ્ટ એ અંતર સૂચનમાં

ચોખ્ખો વ્યવહાર ઊધરે શૂન્યમાં

જ્યાં સુમેળ બંન્ને ચોપડાંમાં

જીવન ફૂલેફાલે સચ્ચાઈમાં

સ્વમાન, સન્માન માણે ‘મોરલી’

સંગ, પામે પ્રભુ પ્રેમમાં…

- મોરલી પંડ્યા

ઓક્ટોબર ૨૨, ૨૦૧૪