ફેરો સફળ થાજો…

જીવનોદ્દેશ પૂર્ણ થાજો!

આ જીવ ફેરો સફળ થાજો…

માવતર ઘડતર સુંવાળું દીધું, 

આ જીવતર ઉદ્દીપક થાજો… આ જીવ ફેરો…

ઊંનું કુણું ઊરનું દોરાયું,

આ ઊંડાણ આવર્તન પામજો… આ જીવ ફેરો…

મનસાતીત ઊર્ધ્વ ઊડાયું,

આ માનસ પ્રેરણાત્મક રાખજો… આ જીવ ફેરો…

ભેદ્યું બ્રહ્મદ્વાર, અડાયું,

આ શાંતિ ઊદ્ધારક વિસ્તરજો… આ જીવ ફેરો…

હ્રદસ્થ જીવંત પ્રભુહાજરી!

આ જ્યોત પ્રજ્વલિત મહેંકજો… આ જીવ ફેરો…

આત્મ સમષ્ટિ સ્વરૂપ નમતું,

આ આતમ સૂર રેલાજો… આ જીવ ફેરો…

જીવન ઉદ્દેશ પૂર્ણ થાજો…

‘મોરલી’ ફેરો સફળ થાજો…

- મોરલી પંડ્યા

ઓક્ટોબર ૨૮, ૨૦૧૪