પ્રભુને ઈચ્છો એ રંગે રૂપે મળે.
એ,વહન વલણનું માધ્યમ બને,
જે તે પસંદગી, હંમેશાં નિમિત્ત બને…
જેવો જેનો જીવન અભિગમ,
અંતઃસ્થ પચે, ને બાહ્યજીવનમાં ભળે.
એ જ મનુષ્યને હંમેશાં ધરવાને મળે…
શ્રદ્ધાળું શ્રદ્ધાને ટેકે, પ્રભુપંથે દોડે…
જ્ઞાની જ્ઞાન પચાવી પ્રભુલીલા સમજે…
કર્મશીલનાં વિવિધ કર્મો, પ્રભુરાહ માપે…
એ જ મહાવરો સર્વે સંજોગમાં
ધગશ, બળ અડગ, આપે.
જે લક્ષ બની, રસ્તો હંમેશાં કરતો રાખે…
ઈચ્છો એ વેષે, પ્રકારે ‘મોરલી’
એ જ પરિપેક્ષમાં માણસને,
પરમ સામીપ્ય પ્રભુનું, હંમેશાં મળે…
- મોરલી પંડ્યા
ઓક્ટોબર ૮, ૨૦૧૪
| 
No comments:
Post a Comment