આ વિશ્વ એટલે...

આ વિશ્વ એટલે અવિરત પ્રવૃત સૃષ્ટિ!

એક એક ક્ષણમાં અસંખ્ય સજીવદીઠ પ્રવૃત્તિ…

સ્થળે સ્થળે વિશેષ ઋતુ ને હવાની ગતિ!

પશુ-પંખી-ઝાડ-પાન અનુકૂલ-અનુરૂપ-અનુલક્ષી…

ક્યાંક કોઈ માણે દિન તો ક્યાંક રાત્રિ!

દેશે દેશ ભિન્ન માનસ, સંસ્કૃતિ ને પ્રકૃતિ…

પ્રત્યેક ભાષા ને શબ્દકોષમાં જેટલી ક્રિયાપદોની સુચી,

એટલી એટલી ક્રિયાઓ હશે ક્યાંક ને ક્યાંક જરૂરથી ઘટતી!

આ બધાંમાં અદ્રશ્ય જગત ક્યાં ભૂલવું વળી!

અસંખ્ય વિશ્વો-બ્રહ્માંડો હશે હજું કદાચ, હાથવગાં થયાં નથી…

આ પૃથ્વી, કેવી રચી તેં ઓ પ્રભુ! હ્રદયથી?

‘મોરલી’ અહોભાવમાં ઝૂકે આ સૃષ્ટિચક્રની ગોઠવણથી…

- મોરલી પંડ્યા

ઓક્ટોબર ૬, ૨૦૧૪