પોતાનું એક વર્તુળ...

વિચાર, નિયત, ભાવ, પ્રતિક્રિયા

પોતાનું એક વર્તુળ છોડે છે.

પરિઘ બનીને બાંધી દે છે.

સંબંધ, સગપણ, વ્યવહાર, વર્તન

પોતાનું એક વર્તુળ રચે છે.

પરિઘ એમાં માણસ બને છે.

વલણ, અભિગમ, અપેક્ષા, ઊચાટ

પોતાને જ વર્તુળમાં જકડે છે.

પરિઘને કેન્દ્રમાં ખેંચે છે.

સતતા, સમતા, સમર્પણ, સમભાવ

બધાં જ વર્તુળ ઓગાળે છે.

પરિઘ નહીં 'મોરલી', અપરિગ્રહ બનાવે છે.

- મોરલી પંડ્યા

એપ્રિલ, ૨૦૧૬

Flower Name: Mirabilis jalapa (Marvel of Peru, Four-o'clock, False jalap, Beauty of the night)

Significance: Solace

The blessing that the Divine grants us