વ્યાખ્યિત કાવ્યની કયાં વાત?

વ્યાખ્યિત કાવ્યની કયાં વાત?

આ તો, પરે બ્રહ્મથી ઊતરતી સૌગાદ...

રૂઢિગત બાંધણીનો લાગે અભાવ!

આ તો, સતપ્રદેશથી અવતરતો પ્રાસ...

રૂપક, મુક્તક, સાહીત્યિક કચાશ?

આ તો, સાતત્ય ઝરતી અક્ષરી કતાર...

ગદ્ય કે પદ્યની ન કોઈ શરૂઆત!

આ તો, ચૈત્ય ખૂણેથી વહે ચૈત્યિક સાર...

અજબ શૈલીમાં અણજાણી રજૂઆત!

આ તો, દિવ્યની પસંદગી, એનો પ્રતાપ...

રૂડું કાવ્ય તો જ, જો ભેળાં લય-તાલ?

આ તો, સત્ય વ્યકતતું સંદર્ભધ્યાન...

ભારેખમ ને લાગે અઘરાં ભાવાર્થ!

'મોરલી', પેઢીઓનો બનશે પથપ્રકાશ...

- મોરલી પંડ્યા 

ફેબ્રુઆરી,૨૦૧૭

એક એક વ્યક્તવ્ય છે પગલાં
ને પૃથ્વીથી ગગનની યાત્રા!
જ્યાં જ્યાં જન્મારાં બોલતાં
તેનાં બનશે એ નકશા ને ભોમિયા...

થોડે થોડે અંતરે છે પ્રદેશ
ને દરેક વિશેષ, ક્ષેત્ર શ્રેષ્ઠ!
જે જે વણથંભી ખેપ માટે તૈયાર
તેનાં બનશે એ નકશા ને ભોમિયા...

ઘડી ઘડીની છે અનુભૂતિ
ને માણી એટલી અધૂરી!
જેની જેની તરસ માંગશે તૃપ્તિ
તેનાં બનશે એ નકશા ને ભોમિયા...

'મોરલી' પ્રભુનું ચીંધ્યું છે કામ
ને લાવે નીત નવું સાચ
જે જે પ્રભુ; પસંદ ને લગાવ
તેનાં બનશે એ નકશા ને ભોમિયા...

*જુલાઈ, ૨૦૧૬

મા, તારાંકોષેથી શબ્દસવારી આવે
ને હ્રદય મધ્યે વાકસરવાણી સ્ફુરે.
મા, તારાંકોષેથી...

એ અક્ષરો મોજમાં નાચતાં આવે
ને હ્રદય સંવેદનમાં સૂર ભભરાવે.
મા, તારાંકોષેથી...

એ સમજ મસ્તીનાં રંગમાં આવે
ને હ્રદય અનુભૂતિનો સ્પર્શ પામે.
મા, તારાંકોષેથી...

અવસ્થા ભાવવિભોર થતી આવે
ને, હ્રદય ઊંડે સુધી એ રંગત માણે.
મા, તારાંકોષેથી...

ક્ષણો તાદાત્મ્ય સઘન લઈ આવે
ને હ્રદય સહજ એ અવતરણ ઝાલે.
મા, તારાંકોષેથી...

એ ચેતના સત્ય દેહસ્વરૂપે આવે
ને 'મોરલી' સમર્પણમાં સર્વ પધરાવે.
મા, તારાંકોષેથી...

*ઓક્ટોબર, ૨૦૧૫

મા, તમને ખબર છે આ શબ્દોની શું કમાલ છે?

પદ્યમાં તત્વનું જ્ઞાન ભરી પીરસાવાય છે!

લખનાર અને વાંચનાર બંનેને સાચા-સૂચક અનુભવાય છે!

મા, આ શબ્દોની એવી તો કમાલ છે!

મનમાં હાશ! અને દિલમાં જોશ ભરી જાય છે,

સર્વને તારી કૃપાનો આ સ્વાદ મીઠો અનુભવાય છે…

એવા હળવા, પારદર્શક ને ધારદાર નીકળે છે 

પચાવનારને ભાર વિહીન; ને તમ ચરણોમાં વિશ્વાસ અનુભવાય છે…

એની ગોઠવણમાં પણ પ્રભુના દર્શન થાય છે,

જીવન કર્મ ને પ્રભુકરણ માં માનવ-વલણનો માર્ગ અનુભવાય છે…

બીજું તો શું મા! પણ આ શબ્દો થકી,

તવ કૃપા ભીંજતી રહે અને સામો ‘મોરલી’ સમર્પણ સહ આભાર!

આમ અરસપરસનો વ્યવહારઅનુભવાય છે…

*જાન્યુઆરી ૨૦, ૨૦૧૪

Flower Name: Wisteria sinensis, Chinese wisteria

Significance: Poetic Ecstasy 

Rare and charming is your presence