ક્યાં છે...ક્યાં ક્યાં નથી...

હે પ્રભુ, ક્યાં છે તું

ને ક્યાં ક્યાં નથી તું!

ન જગમાં મળે તું

ને અણુએ વસે તું!

ન ઈન્દ્રિયે પ્રમાણ તું

ને પંચતત્ત્વરૂપ તું!

ન એકેય મનુષ્ય તું

ને અવતારી પ્રબુદ્ધ તું!

ન વિટંબણામાં પ્રશ્ન તું 

ને લીલાધરી ઉત્તર તું!

ન મતિ તૃપ્ત પ્રભાવ તું

ને શ્રદ્ધાને ઊપહાર તું!

ન જીવંત જીવીત પ્રકાર તું

ને ધરે હ્રદયે સ્થાન તું!

કેવો તું? ક્યાં, કોણ તું? 

ને 'મોરલી' પામે સમસ્ત તું!

ધન્ય...ધન્ય...

પ્રભુની ગતિ ને મતિને ક્યાં મેળ?

મનુષ્ય મન-બુદ્ધિનાં માપદંડથી થોડો ઘડાયો છે...એની પ્રભુતાનું પ્રમાણ મનુષ્ય ક્ષમતા થોડી નક્કી કરે છે?

મનુષ્યને વિજ્ઞાનમાં જ્ઞાનમાં જવાબો મેળવવા છે..."આ છે ને આમ જ છે" નાં ઠોસ પુરાવા પોતાને જ માટે પ્રમાણિત કરવાં છે. શોધનાં શ્રેયકર બનવું છે...

શ્રદ્ધાને પડકાર આપવો છે કે, "અણદેખ્યા પર આવો વિશ્વાસ" ?

પ્રભુને ચોકઠામાં ગોઠવવા છે એને સીમિત કરતાં સમજાય છે કે આ તો વિરોધાભાસ છે. નહીં-નથીમાં પણ બધું જ છે.

એ વિરોધાભાસ પણ ઊભો કરાયો છે એમાં પણ એ જ છે...

પ્રશ્ન કરતી બુદ્ધિ, 
શંકા કરતું મન અને 
શ્રદ્ધા જીવતું હ્રદય - 
સર્વે એ જ છે ક્રિયા, પ્રક્રિયા, સ્ત્રોત, પ્રમાણ અને પરિણામ પણ...!

મનુષ્ય ધર્મ છે કે એ જે સમજાયું, અનુભવાયું તો એને હ્રદયમાં ધરી...માણવું,

રત સમસ્તમાં મસ્ત!

સાદર...

- મોરલી પંડ્યા 

જૂલાઈ, ૨૦૧૭

Flower Name: Campanula medium

Cantebury bells, Cup and saucer

Significance: Joy's call

It is modest and rarely makes itself heard.