એટલે હવે આ પણ ભલા માણસ!!!

બધું જ મૂલવશો, સફળતા ને વળતરનાં માપદંડે!

કૃપા પ્રસાદ પણ બજારભાવ ને મંતવ્યોથી આંકશો!

મા બેઠી છે માથે,  બોલતું હશે જેનું, એ ખેંચાઈ આવશે,

માણસની, સીમિત સમજ ને ક્ષમતાથી કેટલું અંદાજશો!

અહીં તો માનું જ કીધેલું, દીધેલું, ગોઠવેલું…ક્યાં ન પહોંચે,

આ ને તે વ્યવસ્થા કે વ્યવસાયિક રીતોમાં ક્યાં અટવાશો!

મદદ, સમય ને જે જે, જરુરી થવાનું હશે તે મળશે,

મગજ કસી કેટલું ‘આમ હશે-થશે’, કલ્પનામાં સમજશો!

દિશા દીધી, સંકેત છે દીધાં, માણસ સક્રિય ભૂમિકામાં, ‘મોરલી’

પરિણામ તો આવશે જ, એનું ભાંખેલું, હજી પણ પ્રશ્નાર્થ મૂકશો!

-         મોરલી પંડ્યા

ડિસેમ્બર ૧૪, ૨૦૧૪