સમજથી રક્ષણ...

સમજથી રક્ષણ ને રક્ષણની સમજ!

તું જ દેતી, તું જ કવચ! ઓ મા, સકળ!

ભાવભીનો નિવાસ ને તમ વાસનો ભાવ!

તું જ દેતી, તું જ પ્રત્યક્ષ! ઓ મા, સક્ષમ!

અંશમાં સમસ્ત ને સમસ્તનો અંશ!

તું જ દેતી, તું જ અસ્તિત્વ! ઓ મા, સર્વત્ર!

આધારમાં ચેતના ને ચેતનામય આધાર!

તું જ દેતી, તું જ ચૈતન્ય! ઓ મા,  સદ્ધર!

જીવનભર સાથ ને સાથસભર જીવન!

તું જ દેતી, તું જ વફાદાર! ઓ મા, સંનિષ્ઠ!

પોકાર પ્રેરક ને પ્રેરણામય પોકાર!

તું જ દેતી, તું જ અભિપ્સા! ઓ  સ્ત્રોત-અવતરણ!

છલોછલ આભાર ને કૃપામય ‘મોરલી’!

તું જ દેતી, તું જ જીવીત! ઓ મા, સુંદર!

- મોરલી પંડ્યા

ડિસેમ્બર ૭, ૨૦૧૪