ક્યાં જરૂર?

અંદરનો પ્રકાશ મુખ ઊજાળશે,

તો પ્રસાધનોની ક્યાં જરૂર?

નક્કર સત્ય આપોઆપ પ્રગટશે,

તો પુરાવાની ક્યાં જરૂર?

નિષ્ઠા જ શિરપાવ ખેચી લાવશે,

તો ટૂંકા રસ્તે ચાલવાને ક્યાં જરૂર?

ચોખ્ખી નિયત છતી થઈને રહેશે,

તો દલીલોની ક્યાં જરૂર?

મહેનત-અર્પણ, જાતને રસ્તો બતાવશે,

તો અનુસરવાની ક્યાં જરૂર?

પ્રભુ બેઠો માથે, હાથ રાખ્યો-રાખશે,

તો વલખાં મારવાની ક્યાં જરૂર?

જીવ-જણ-જાત-જીવન એનું છે ને રહેશે

પકડી રાખવાની ‘મોરલી’ ક્યાં જરૂર?

- મોરલી પંડ્યા

ડિસેમ્બર ૨, ૨૦૧૪