હું, અબોધ બાળ...

બધી જવાબદારીઓ તો તેં જ છે ઊપાડી

હું, અબોધ બાળ, પહેલાં ન સમજી શકી … હું, અબોધ બાળ..

બધી જ વ્યવસ્થા તારી જ છે ગોઠવેલી

આ સીમિત બુદ્ધિ પહેલાં ન સમજી શકી … હું, અબોધ બાળ …

બધું આમ હોવામાં તારી જ છે મંજૂરી

આ નિર્બળ મનથી પહેલાં ન સમજી શકી … હું, અબોધ બાળ …

બધો જીવન સમય તારી જ છે પ્રસાદી

આ જાત કેળવણી પહેલાં ન સમજી શકી … હું, અબોધ બાળ …

બધું જ તારાં, સથવારાંનું પ્રમાણ છે જીંદગી

એકલ દોડમાં પહેલાં ન સમજી શકી … હું, અબોધ બાળ …

બધી શક્તિ હ્રદયમાં, મા, તારી જ છે જીવતી

ડરનાં કોચલાંમાં પહેલાં ન સમજી શકી … હું, અબોધ બાળ …

બધાં જ તારાં શ્વાસ, તારી જ છે કૃપા, મુક્તિ

‘મોરલી’ રહી રહીને સમજી શકી… હું, અબોધ બાળ પહેલાં …

- મોરલી પંડ્યા

ડિસેમ્બર ૩, ૨૦૧૪