પ્રભુસ્થાન પહાડોમાં...

પ્રભુસ્થાન પહાડોમાં નહીં,

સંસારમાં પણ છે.

એની જરૂર ફક્ત ધ્યાનમાં નહીં,

ચેતનામાં પણ છે.

પ્રભુતા સાધુતામાં જ નહીં,

પણ માનવતામાં છે.

સાધુત્વની જરૂર સંસારત્યાગમાં નહીં,

સંસારધર્મ કર્તવ્યમાં પણ છે.

માનવજીવન તપસ્યામાં નહીં

પણ તટસ્થતામાં છે.

સમતા-શાંતિની જરૂર વિકટતામાં નહીં,

રોજિંદા વ્યવહારમાં છે.

આધ્યાત્મિકતા વૈરાગમાં નહીં,

સક્રિય જીવતરમાં પણ છે.

સમર્પણનાં મુખ્ય ગુણ સાથે, ‘મોરલી’

સંપૂર્ણ આચરણમાં છે…

-         મોરલી પંડ્યા

જાન્યુઆરી ૧૦, ૨૦૧૫