ખરું તારું ઝીણું...

મા, ખરું તારું ઝીણું, મુંગૂ કામ!

એક અણછડતો અણસાર

ને એમાં અડચણનો ઈલાજ!

માર્ગદર્શન સતત ને આશીર્વાદ…

ન અજાગ્રત મનમાં દોડાદોડ,

આ કે તે કયો હશે ઊપાય!

રહે સમતા-શાંતિમાં જ બધું,

યોગ્ય માર્ગે, જ્યાં તમ નિવાસ!

ન અંદર બહાર ભાગાભાગ,

વર્ગીકરણ, મથામણ ને ઉચાટ!

રહે હેત, ધરપત ને સ્પષ્ટ,

સીધી દ્રષ્ટિ, તમ ફેલાયો પ્રકાશ!

બધું જ હોવાનું તે જ થતું-થવાનું!

રહે સ્થિર, લચીલું, મક્કમ ઊંડાણ!

સદા ‘મોરલી’ બાળ સંગે,

જ્યાં માએ લાંગર્યું કૃપા-સુકાન!

- મોરલી પંડ્યા

જાન્યુઆરી ૧૫, ૨૦૧૫