વિરોધ, ’નો સ્વીકાર...

કોઈનો વિરોધ, ’નો સ્વીકાર,

’ની મઝા જ કંઈક જુદી!

વિરોધી મુંઝાય, ન સમજાય

ક્યાં બાજી ઊંધી પડી?

વિચારીને સજ્યો’તો તખ્તો,

ઠસોઠસ અવરોધ ભરી!

નક્કી હતો, વળતો પ્રતિરોધ,

આ સંમતિ ક્યાંથી નીકળી?

અંતે તો પરિસ્થિતી, પક્ષ ગમેતે,

સ્વીકારમાં જ હલ ને ગતિ!

અંદેશો માનીને જ ચાલવું,

જવા દેવામાં જ ડહાપણ મતિ!

સમજો, અગત્યનું ને જરૂરી ‘મોરલી’

સ્વીકારમાં સંવાદિતા છે જીવતી!

વિરોધની હામી, પણ મતિમેળ જ

ભલેને પછી, અસહમતમાં સંમતિ!

-         મોરલી પંડ્યા

જાન્યુઆરી ૧૭, ૨૦૧૫