ક્યારેક વીતેલો સમય...

ક્યારેક વીતેલો સમય જુઠો લાગે!

પોતાનો માનેલો, જતનથી પાળેલો,

અચાનક આજે ભ્રમણા લાગે?

ક્યારેક સંબંધ-વચન ઠાલાં લાગે!

અરસપરસ વહેંચેલાં, નિષ્ઠામાં ઊગાડેલાં,

એકપક્ષી પોષાયાં’તાં લાગે!

જરૂર હતી જ; એક જટકાની જાણે!

અટકી ને જોવામાં, નિરીક્ષક ને સાક્ષીમાં,

પગલું થોભીને મુકવાની’તી લાગે!

ભલે ઠોકર વાગી’તી, શીખ લાગે!

ભાવના ને બળમાં, સમજ ને કદરમાં,

સન્માન સાથે ઊઠ્યાં જાણે!

સમય વીતેલો, હવે સાચ્ચો લાગે.

માણસ હલકો ફુલકો, તૈયાર ‘મોરલી’,

એને જીવન જાણે, હવે નવસર્જિત લાગે!

-         મોરલી પંડ્યા

જાન્યુઆરી ૨૮, ૨૦૧૫