પ્રવાહી બની પાર નીકળવું!

આતે આમતેમ આટલુંતેટલું, ક્યાં એમાં અટવાવું, પકડવું?
અડચણ કે વિઘ્ન વિનાનું, પ્રવાહી બની પાર નીકળવું!

એક ગુણ પાણીનો જાણું, સ્વાદ-રંગ ન છાપ છોડતું,
કે અન્ય સરખાતું લાગતું, છતાં સરળતાથી વહી જતું!

મિશ્રીત જો કરવામાં આવતું, ભળતું નહીં તો અળગું રહેતું,
સ્વભાવ મૂકી પરરૂપ બનતું, અન્યનું સર્વ અપનાવી લેતું!

ઓગળવું જો અયોગ્ય લાગતું, ભળવાનું ન બનતું ગોઠવાતું,
પ્રવાહિતા ને લચીલાપણાનું, ઉદાહરણ બની વહી નીકળતું!

પૂર્ણ પ્રભાવ છોડવામાં માનવું, એકરૂપ નહીંતો અનન્ય રહેવું.
બંન્ને રીતમાં સ્વયં નમતીલું! ઝૂકવું અથવા તો વહી લેવું!

જાણો જાતમાં લયબધ્ધ જેટલું, વિરોધ વળગણ અપેક્ષા છેટું,
ઓછું, અળગું! 'મોરલી' એટલું જીવન સત્વ વધું શુધ્ધ ચોખ્ખું!

- મોરલી પંડ્યા

જુન ૨૩, ૨૦૧૫