તમાશો ન બનાવવો...

તમાશો ન બનાવવો સંબંધનો!
પક્વતામાં અંતર ભીનું રાખી,
ભલે સમાંતરે, ધીમો વધવા દેવો.

તમાશો ન બનાવવો ભાવનાનો!
દાનમાં લઈ ઊણી સૂકી ન રાખી,
લાગણીને સ્વભાવમાં ઊગવા દેજો.

તમાશો ન બનાવવો મમતાનો!
અધૂરપો ન લાદી માગતા રાખી,
ઊછરતો વેલો, ખૂલી ખીલવા દેવો.

તમાશો ન બનાવવો દામ્પત્યનો!
સામાજિક માળખે અપેક્ષિત ન રાખી,
અન્યોન્ય પ્રગતિમાં ગૂંથાવા દેજો.

તમાશો ન બનાવવો સ્વરૂપનો!
નબળું ઢીલું અવલંબનો ન રાખી,
શીખી શોધી સાચો જગાવી દેવો.

તમાશો ન બનાવવો જીવનનો!
અમસ્તુ બસ રગડી ઢસડે ન રાખી,
'મોરલી'  યોગ્ય હાર્દ જીવાડી દેજો.

- મોરલી પંડ્યા

જુન ૨૫, ૨૦૧૫