અંદર કશુંક મૂકયું તેં...

પ્રભુ,

અંદર કશુંક મૂકયું તેં, મક્કમ કંઈક બેઠું એ!
મજબૂત ધરખમ ને ધરપત દેતું જબરું એ!
અરસપરસ હશે છોને, અસ્થિર બધું ભલે એ!
હાલતું ડોલતું તોયે, કશુંક જાણે પકડેલું તેં!
ન ડગવા કે હલવા દે, પલટ કે બદલાવે એ!
બસ! ધીર સ્થિરવલણ ને સમ્યભાવ-દ્રષ્ટિ એ!
નિર્ધાર એ અટલ છે, આગળ બસ! વધવું ને
સરળ સીધું ઘટતું જે સાંગોપાંગ સાથસાથે એ!

તવ સ્થાન નિશ્ચિત એ, ઊરે ઊમટે આભાર, લે
સફળ પળપળ બની ને ઝૂકે 'મોરલી' સંધાનને...

- મોરલી પંડ્યા

જુન ૨૭, ૨૦૧૫