વખાણ કે વિશ્લેષણ...

વખાણ કે વિશ્લેષણ

અવસ્પર્શ્ય આ જીવને!

અનુરોધ કે વિરોધ

ન ઊશ્કેરે આ જીવને...

એકલતા કે સમૂહ

વણનોંધ્યું આ જીવને!

સંમત કે બેમત

ન ડગાવે આ જીવને...

પ્રભાવ કે પૂર્વગ્રહ

નિરર્થક આ જીવને!

સંખ્યા કે સમય

ન આકર્ષે આ જીવને...

બહુમાન કે બેધ્યાન

બેમતલબ આ જીવને!

પ્રતિષ્ઠા કે પ્રતિકાર

ન મૂલવે આ જીવને...

પ્રતિક્રિયા કે આકલન

બેફિકર આ જીવને!

પ્રક્રિયા કે પરિણામ

ન અટકાવે આ જીવને...

પ્રભુ સાથ ને નિવાસ

બહુમૂલ્ય આ જીવને!

સ્મરણ કે સમર્પણ

ન થકવે આ જીવને...

- મોરલી પંડ્યા

જાન્યુઆરી, ૨૦૧૬