ન શબ્દ ઊઠે કે...

ન શબ્દ ઊઠે કે દ્રશ્ય

ન તરંગ ઊગે કે રહસ્ય

એ શાંતિમાં ઠરે સ્વ સર્વ,

તો જાણો પ્રભુમય અસ્તિત્વ!

ન ગત દિસે કે ભવિષ્ય

ન છબી ઊકલે કે ગંતવ્ય

એ નીરવતામાં ઠરે સ્વ સર્વ,

તો જાણો પ્રભુમય અસ્તિત્વ!

ન માંગણી મૂકે કે સૂનવણી

ન ખોલવી પોથી કે રોજનીશી

એ અલગાવમાં ઠરે સ્વ સર્વ,

તો જાણો પ્રભુમય અસ્તિત્વ!

ન બાંહેધરી કે પલાયનવૃત્તિ

ન મૂકવી કર્તવ્યકેડી કે જીવાદોરી

એ સમત્વમાં ઠરે સ્વ સર્વ,

તો જાણો પ્રભુમય અસ્તિત્વ!

આભારી 'મોરલી'...પ્રભુ!

- મોરલી પંડ્યા

મે, ૨૦૧૬

Flower Name: Orchid (Cattleya)
Significance: The Aim of Existence is Realised
Exists only by and for the Divine