કશુંય કહેવું નથી...

કશુંય કહેવું નથી જિંદગી મને,

કૃતજ્ઞ છું બસ! ભરપૂર તું મળ્યે!

ઊંડેથી મળતું, વગર ખોદ્યે જે,

કૃતજ્ઞ છું બસ! લ્હાવો આ મળ્યે!

... કશુંય કહેવું નથી જિંદગી મને...

કેવી તું છલોછલ વહે છે બધે,

કૃતજ્ઞ છું બસ! આ સમજ મળ્યે!

અંત:બાહ્ય ઊભરાય, જીવંત રહ્યે

કૃતજ્ઞ છું બસ! મહાલવું આવું મળ્યે!

... કશુંય કહેવું નથી જિંદગી મને...

ઓછપ, અધૂરપ, ઊણું કોને કહે?

કૃતજ્ઞ છું બસ! પૂરતું પોષણ મળ્યે!

વહેચાય પણ એ ખોરાક જરૂર જેને

કૃતજ્ઞ છું બસ! વહેંચની તક મળ્યે!

... કશુંય કહેવું નથી જિંદગી મને...

ખોબો, ખોળો, ભવો કેટકેટલું ભરે?

કૃતજ્ઞ છું બસ! પ્રમાણ એ મળ્યે!

'મોરલી' નાનું શું જણ, બાળ એટલે

કૃતજ્ઞ છું બસ! કૃતજ્ઞ થવા મળ્યે!

... કશુંય કહેવું નથી જિંદગી મને...

- મોરલી પંડ્યા

મે, ૨૦૧૬

Flower Name: Merremia quinquefolia
Significance: Detailed Gratitude
The gratitude that awakens in us all the details of the Divine Grace