મૌન અને નીરવતા...

મૌન અને નીરવતા કયાંથી એક સમાન?

જોજનો દૂર, જુદા; સ્ત્રોત ને સ્તરો સભાન.

એક રીતિ બીજું સિદ્ધિ. ન કોઈ મેળમેળાપ

એક સાંધો બીજું સંધાન. ક્યાં તુલના માપ?

એક તો મન-પકડ, 'ચૂપ' જ ફક્ત ઈલાજ

દબાણવશ, ન બોલાય - માં જ આન-ભાન.

બીજું નિરવ ઠરેલ ચિત્ત, રહે સહજ ધ્યાન

શાંતિ સંગત, સત્ય સ્ફૂરણનો વાક પ્રવાહ.

મૌનથી આરંભ, નીરવતા 'મોરલી', 

અંતિમ સ્થાન

જોડતોડ નહીં અસ્તિત્વ અવસ્થા. 

એ જ સાચું પ્રમાણ.

મૌન,

ફક્ત ક્રિયાનો અભાવ છે, 

ઊચ્ચારણની ગેરહાજરી છે.

અવાજ વગરની નોંધ છે.

ચૂપ્પીમાં પ્રસ્તુતિ છે.

વગર શબ્દે સંભળાય છે.

કશુંક સૂચવાતું હોય છે.

મૂક સ્થિતિમાં જાહેરાત છે.

અર્થઘટનનો શોર છે.

ક્યારેક વિરોધનું પ્રવચન છે.

ચૂપકીદીનાં આંચળામાં રક્ષણ છે.

કદાચ કટાક્ષનો કોલાહલ પણ...

A power of seeing silence filled his limbs: 

Caught by a voiceless white epiphany 

Into a vision that surpasses forms, 

Into a living that surpasses life, 

He neared the still consciousness sustaining all. 

Pg. 32

All-Knowledge packed into great wordless thoughts 

Lodged in the expectant stillness of his depths 

A crystal of the ultimate Absolute, 

A portion of the inexpressible Truth 

Revealed by silence to the silent soul.

*Savitri

BOOK I: The Book of Beginnings 

CANTO III: The Yoga of the Soul’s Release

Pg  38

નીરવતા,

નિતાંત અવસ્થા છે.

મેળવેલી જણેલી પ્રાપ્તિ છે.

કશુંક ફક્ત અંદર ન નહીં બહાર રેલાય છે.

સમાઈને ઠરેલું છે.

આંતર-બાહ્ય અ-વાંક સ્થિતિ છે.

અ-શબ્દ નહીં, સપ્રમાણ શબ્દ છે.

જરૂરે, સ્ફૂરણ છે.

ઊચ્ચારણની મૂળ ભૂમિ છે.

સાહજિક શાંતિનો સહવાસ છે.

ધરપતમાં બંધાયેલી છે.

અધ્યાત્મની કૂંચી છે.

સિદ્ધિ સૂચવે છે.

નિશ્ચિત આત્મ દોરવણી પણ...

In absolute silence sleeps an absolute Power. 

Awaking, it can wake the trance-bound soul

*Savitri

BOOK III: The Book of the Divine Mother

CANTO II: The Adoration of the Divine Mother Pg. 311

His wordless silence brings the immortal word.

...

Its immobile silence absolute and alone. 

All powers were woven in countless concords here.

BOOK XI: The Book of Everlasting Day

The Soul’s Choice and the Supreme Consummation

Pg. 681-682

પ્રણામ...

- મોરલી પંડ્યા 

એપ્રિલ, ૨૦૧૭

Flower Name: Passiflora Incarnate X Cincinnati 'Incense'

Passion flower

Significance: Silence

The ideal condition for progress.

The source of true force.