શું મારું ને શું તારું...

મા, શું મારું ને શું તારું,

આ તો સર્વ તારું જ દીધેલું,

શું છે રૂપ ને શું છે કુરૂપ,

તારી નજરે તો માત્ર એક પ્રેમસ્વરૂપ,

કોણ છે ધનિક અને નિર્ધન,

તારા સંગે સર્વસંપન્ન,

શું છે સુખ ને શું છે દુ:ખ,

તારા વિશ્વાસે ચાલે સહુ સુખરૂપ,

શું છે અંધકાર ને શું છે પ્રકાશ,

તારા આશિર્વાદમાં છે દિવ્ય સત્યનો ઊજાસ,

શું છે આધિ-વ્યાધિ ને ઉપાધિ,

તારા સ્પર્શે ઓગળી ગઈ સારી,

છોડીયે હવે સ્વ, ત્વ અને મમત્વ,

બસ! પ્રેમથી કરીએ તને અર્પણ, સમર્પણ!

-         મોના ઠક્કર

જાન્યુઆરી ૨૮, ૨૦૧૪