આ ભ્રમ કયાં છે...

મા! આ ભ્રમ કયાં છે..

આંખ મીંચુ તો હ્રદયમા પ્રસરેલા અદ્રશ્ય જગત માં તારો સંચાર,

આંખ ખોલુ તો મગજમા પ્રવેશતા ઈન્દ્રિય જગત માં પોતીકો સંસાર,

આંખ પલકાવી સ્થિર થાઉં - તો આ હું જ હોઉં,

આ પલકઝપકની ક્ષણોમાં અનુભવુ ત્રણેય સાથ-સાથે....પછી આ ભ્રમ કયાં છે..

આંખ મીંચુને સહજ પ્રગટે તમ પ્રતિ આભાર-કૃતાર્થ,

ખુલી આંખે ઊમટે પ્રિયજનો પ્રતિ હેત - દરકાર,

ક્ષણ અટકી; બહાર થઈ; જોઉં - તો આ હું જ હોઉં,   

આ પલકઝપકની ક્ષણોમાં અનુભવુ ત્રણેય એક સરખું..પછી આ ભ્રમ કયાં છે..

મા, તમારાથી જ તો આ સંસાર; સંસાર થકી તમારો સાથ-સંગાથ;

મારે તો બસ બધુંય સાંગોપાંગ,

જો તું; સંસાર, અને એમાંય હું  હોઉં 

આ પલકઝપકની ક્ષણોમાં અનુભવુ ત્રણેય યોગ્ય-યથાર્થ...પછી આ ભ્રમ કયાં છે..

હા, આ તો સત્ય નો પ્રવાહ છે! પરમશક્તિનો પ્રભાવ છે!

જગતજનનીમાના શરણનો પ્રસાદ છે! વિ‌શ્વેશ્વરીનો પ્રેમ અને આશીર્વાદ છે!

તો લો મા! સમર્પણ, આભાર સહ ‘મોરલી’ ના તમોને પ્રણામ છે....

-         મોરલી પંડયા

              જાન્યુઆરી ૯, ૨૦૧૪