મારો કહાન...

મારો કહાન ઊભો આંગણે

સૂર્યદેવનાં સપ્તશ્વો સંગે

સત્યપ્રદેશ જવાને...

આરૂઢ, હોઉં ખોળે એને

નિશ્ચિંત નીરવ એને સંગે

એક એક વિશેષ વીણવાને...

સ્ફૂરે, મળે એ ભેટ જાણે

ચૂંટું હું પણ એને સંગે

આતમ ટોપલી ભરવાને...

સૂર્યદેવને તેજ અજવાળે

ગગનથી યે ઊર્ધ્વે એને સંગે

નાનોશો ટુકડો ઊતારવાને...

લ્યો! આ આવ્યો 'મોરલી' બારણે

ઘેલી દોડી, કહાન દીઠે

ભૂલી બધુંય બસ! ભેટવાને...

- મોરલી પંડ્યા 

ઓગસ્ટ, ૨૦૧૬

Flower Name: Plumbago auriculata (Cape leadwort)
Significance: Krishna’s Ananda
Manifold, abundant and so full of charm.